Сузи Тенева. ЕТИЧКИ ДИМЕНЗИИ ВО ХИП-ХОП ТЕКСТОВИТЕ

БХХС/BHHS 6/2025

ISSN 2955-2192 (печатена верзија) (printed)

ISSN 2955-2206 (веб верзија) (online)

УДК: 17:[78.067.26:316.72373)

ЕТИЧКИ ДИМЕНЗИИ ВО ХИП-ХОП ТЕКСТОВИТЕ

(ЛИРСКИТЕ СЕГМЕНТИ ВО ХИП-ХОПОТ

КАКО ИЗВОР НА ЕТИЧКИ КОДЕКСИ)

Сузи Тенева

Апстракт: Овој тект се занимава со текстуалниот сегмент на хип-хоп музиката. Текстуалниот дел во хип-хопот опфаќа различни теми и раз­лични содржини. Една од нив е социјалната тематика. Во соци­јалната тематика можеме да говориме за етичка димензија. Тука, како главна идеја ја имаме споредбата меѓу етиката, како иманентно филозофска дисциплина и хип-хоп текстовите. Имено, кој дел од текстовите има етичка димензија, како можеме да ја пронајдеме таа димензија во текстот и како таа да придонесе за подобро разбирање на светот околу себе. Секако, фокусот е на идеите, текстовите и артистите, кои имаат таков вид конструктивни текстови и пораки, без разлика дали како лична или колективна приказна.