ISSN 2955-2206 (веб верзија) (online)

УДК: 378.096:[316.723:78.067.26(497.7)

Славчо Ковилоски

МАКЕДОНСКА ХИП-ХОП АКАДЕМИЈА:

ПРВИТЕ МАКЕДОНСКИ ПРЕДАВАЊА ЗА ХИП-ХОП КУЛТУРАТА

Апстракт: Во текстот се осврнуваме на првите македонски предавања за хип-хопот кои првпат започнаа да се изведуваат во 2005 година. Предавањата за хип-хопот ги покренаа и ги одржуваа основачите на Хип-Хоп Македонија, Славчо Ковилоски и Александар Ковилоски, постепено вклучувајќи и други соработници коишто имаа соодветни познавања од определена тема и коишто можеа да дадат свој придонес во унапредување на академскиот аспект на културата. Од почетокот на 2005 година до денес, неформалната организација Хип-Хоп Македонија има реализирано преку педесет трибини ширум Македонија и во странство на најразлични теми. Најголем дел од трибините се одржуваа во Скопје (Институт за македонска литература, Катедра за со­циологија на Филозовскиот факултет во Скопје, факултетот за музичка уметност во Скопје, во Американскиот културен центар – American Corner, во Кул­турниот центар Точка, во Кинотеката на Македонија, во гимна­зии­те „Јосип Броз“ и „Орце Николов“ итн.), но беа организирани и во Битола (во неколку наврати), Велес, Прилеп, Струга, Гевгелија, како и во Хрватска, Србија, Бугарија и САД (во Њујорк) итн. Токму затоа, макар и со скромна содржина и со скромни можности, чинот на воведување на хип-хоп културата во академскиот свет претставува пионерски чекор за македонскиот, бал­кан­скиот, па и европскиот хип-хоп.

Клучни зборови: македонски хип-хоп, Хип-Хоп Македонија, хип-хоп ака­демија, предавања за хип-хоп културата.