ПРЕДГОВОР 4

         Четвртиот број на БХХС, освен што е посветен на главната тема хип-хопот, се осврнува и се проширува со анализи на алтернативниот рок. Всушност, урбаната култура којa се наоѓа во поднасловот на БХХС ни овозможува вклучување на широк спектар за анализи на популарната му­зика како дел од поновата музичка историја, која е отворена за ин­тер­дис­циплинарни студии.

         Преку текстовите за хип-хопот имаме можност да ја (ре)­от­кри­е­ме историјата на хип-хопот од почетоците, па сѐ до денес. Со интер­дис­цип­линарен пристап, хип-хопот како поткултура, се анализира од ис­ториски и социо-политички аспект (Александар Ковилоски). Историјата на хип-хопот е надградена со паралелна анализа на корените на хип-хопот во САД и регионалниот хип-хоп преку темите за графити, бреј­кденс и бекпекинг (Драган Ѓорѓевиќ). Дадена е и анализа на фил­мот „Осмата милја“, а хип-хопот веќе е вклучен и во анализа на новите ак­туелни правци во информатичката технологија поврзани со веш­тач­ката интелигенција (Стефан Марковски). На локално ниво, имаме текст кој е посветен на македонската независна хип-хоп издавачка ку­ќа „Арена рекордс“ (Дејан Методијески) и на првите предавања за маке­донската хип-хоп култура на академско ниво (Славчо Ковилоски).

        Во овој број се вклучени резултати од повеќегодишни научни ана­лизи за алтернативниот рок на територијата на Балканот (Гергана Рај­жекова, Јулијана Папазова). Бугарскиот алтернативен рок е прет­ста­вен преку релацијата на клубовите, публиката и менаџерите, а југо­сло­венскиот алтернативен рок е претставен преку темата на значењето на терминот „алтернативно“ и музичките сцени. На самиот крај, имаме осврт за „Хип-Хоп Фест 2023“ во Свети Николе (Александар Пет­ров­ски).

Редакцијата