ПРЕДГОВОР 3

          Со објавувањето на овој број, третиот по ред, ја одлебежуваме вто­рата година од создавањето на меѓународното списание за хип-хоп и ур­бана култура Балкански хип-хоп студии.

         Во овој број се објавени повеќе трудови и осврти од автор(к)и од неколку држави од регионот. Повеќето трудови акцент ставаат на на­цио­налните и социолошките текстуални аспекти на хип-хопот, што е ос­ве­жување бидејќи најчесто хип-хопот се проблематизира од социо­лошки или музички аспект за сметка на текстуалниот. Во третиов број мо­жеме да се запознаеме и со хип-хопот на македонската (Славчо Ко­ви­лоски, Сузи Тенева) и српската (Драган Ѓорѓевиќ) и црногорската национална сцена (Стефан Стругар), како и за движењето BLACK LI­VES MATTER од хрватска гледна точка (Татјана Вукелиќ). Елабо­ри­рани се врските на хип-хопот со графитите (Бранко Прља), а дадени се и основите на хип-хопот како поткултура (Александар Ковилоски). За првпат, во БХХС објавуваме и два осврта (Елена Пренџова и Алек­сан­дар Кацарски).

         Навистина, ова трето издание вбројува повеќе аспекти на хип-х­опот – и уметнички, и социолошки, и национални, па се надеваме дека ќе пробуди интерес за читател(к)и од различни научно-уметнички об­лас­ти.

Редакцијата